Weekend Task...

Mula kay ate Reina...


Enjoy lang sa pagsagot. :D


QUESTION: Kung magtatanong kayo sa Prom, PAANO niyo ito gagawin at BAKIT?


- hindi dapat lalampas sa 10 SIMPLE/COMPOUND sentences (susko, wag kayo mag compound complex xD)
-send me your answers at reina_adriano@yahoo.com.ph within this weekend (pag nahihiya kayo)
- kung 'di naman, ilagay niyo na lang sagot niyo sa FJ thread sa FB :-j
- make it as creative as you can
- pag may nagkaparehas, 5.0 na sa FJ =)))) joke lang, but stiiilllll dapat di parehas =)


- LAHAT nang isusulat niyo ay lalabas sa LIBANGAN page natin ;)


Malay ninyo, mabasa nga ng gusto ninyong i-ask. Haha, may spoilers na siya. jk =))) 

Perio, Next Week na!

TUTULDUKAN na ni Ma'am Guimarie ang 2nd Quarter sa Huwebes, ika-13 ng Oktube, taong kasalukuyan.

     Dapat paghandaan na natin 'to guys. Ngayon pa lang, mag-isip a kayo ng mga topic na possibleng ibigay ni Ma'am tapos maghanap na rin kayo ng mga impormasyon tungkol sa mga paksang iyon.

     Kaya natin 'to! Hindi tayo patitinag! Go FJ!!!

Mga Uri ng Pangulong Tudling

1. Pangulong Tudling na Nagpapabatid (Editorial of Information) - layuning mabigyan diin ang kahalagahan ng isang pangyayari o mabigyan linaw ang ilang kalituhang bunga nito
2. Pangulong Tudling na Nagpapakahulugan (Editorial of Interpretation) - nagpapaliwanag ng kahalagahan o kahulugan ng pangyayari
3. Pangulong Tudling na Nakikipagtalo (Editorial of Argumentation) - hinihikayat ang mga mambabasa upang pumanig sa ideya o paniniwala ng manunulat
4. Pangulong Tudling na Namumuna (Editorial of Criticism) - kapwa inihaharap ng sumulat ang mabuti at masamang katangian ng isang isyu
5. Pangulong Tudling na Naghihikayat (Editorial of Persuasion) - binibigyang diin ang mabisang panghihikayat
6. Pangulong Tudling na Nagpaparangal o Nagbibigay Puri (Editorial of Appreciation, Commendation or Tribute) - pumupuri sa isang taong may kahanga-hangang nagawa
7. Pangulong Tudling na Nagpapahayag ng Natatanging Araw (Editorial for Special Occassion) - ipinaliliwanag ang kahalagahan ng mga tanging okasyon
8. Pangulong Tudling na Panlibang (Editorial of Entertainment)* - layuning makalibang, sinusulat sa paraang di-pormal, masaya, kung minsa'y sentimental, at karaniwang maikli lamang
9. Pangulong Tudling na Nagsasaad ng Panagano (Mood Editorial)* - nagpapahayg ng pilosopiya, malimit na pinapaksa ang kalikasan
10. Pangulong Tudling na Bakasan (Pooled Editorial)* - sinulat ng lupon ng mga patnugot sa iba't ibang paaralan at sabay-sabay na nilathala sa kani-kanilang pahayagan
11. Pangulong Tudling na Batay sa Tahasang Sabi (Editorial Liner)** - isang pangungusap o isang talatang tumatalakay sa isang napapanahong pangyayari o balita at nasusulat sa paraang di-pormal; inilalagay sa katapusan ng tudling pang-editoryal. Kung minsa'y hindi ito sarili ng sumulat, kundi pangungusap ng isang dakilang tao

          * bihirang malathala...

          ** bihira din yata...

Sangkatutak na Gawain, Isusumite Daw sa Lunes

TILA TINAMBAKAN tayo ng mga gawain ngayong weekend na isusumite daw sa Lunes, taong kasalukuyan.
   
Ayon kay Gng. Guimarie, sa Lunes daw ipapasa ang balita tungkol sa mga organisasyong kinapanayam o kakapanayamin natin. Idinagdag niya rin ang isa pang takdang aralin kung saan maghahanap tayo ng limang halimbawa, Ingles man o Filipino, sa bawat uri ng Ulo ng Balita.

Kabilang sa mga uri nito ang malalaking titik, malaki-maliit, at pababa. Hindi tiyak kung ang tatlo lang na ito o  ang lahat ng mga uri kasama ang pantay-kaliwa, pantay-kanan, bitin-pantay, inverted pyramid, crossline o barline, at flushline.

Kung sisipagin, pwede rin kayong maghanap ng iba't ibang uri ng editoryal.


          // at dahil editoryal na next week, magkakaroon ng kunting pagbabago dito...

Takdang Aralin

Okay, mga dedikado. Dapat nakapanayam niyo na ang inyong mga dapat makapanayam para sa susunod na article natin! Isusubmit yun sa Monday ha, Monday. Sabi kasi ni Ma'am Guimarie na wag na hintaying magnext meeting, sa Monday na agad. 

Mga Takdang-Aralin Para sa Susunod na Pagkikita

Mga dedikado! :))

Bukas, kailangan nating magsubmit ng folder na naglalaman nung 3 nating articles sa FilJourn. Ihahabol na lang sa Lunes yung article tungkol sa mga inassign sa atin kanina. Kaya simulan niyo na ring magset ng mga appointment para sa mga interviews niyo para di malate sa pagsubmit ng article!

Para sa mga extern: Magdala kayo ng mga tabloids para sa susunod nating pagkikita!

Ang Takdang-aralin Para sa Susunod na Linggo

Mga dedikado! :))

Dahil sa magaling nating schedule ngayong Linggo, isang pagkikita lang ang naganap sa ating elective na FilJourn. (Ang saya ko nga eh. :))  )

Ang takdang-aralin lang naman natin para sa susunod na linggo ay ang final draft ng ating mga artikulo tungkol sa talumpati ng dating Senador Migz Zubiri. Yun lang naman. :))

Bagyong Mina

Bayong Mina (pangalang pambuong mundo: Nanmadol)

http://www.ndrrmc.gov.ph/attachments/article/280/NDRRMC%20UPDATE%20re_%20Sitrep%2027%20TY%20_MINA_%20%28NANMADOL%29%2005SEPT2011.pdf <= Ito ang link na naglalaman ng huling balita mula sa NDRRMC. Isinasaad ng website na ito lahat ng mga naging epekto ng Bagyong Mina. Nandito na ang lahat ng inyong mga kakailanganin upang makagawa ng isang magandang artikulo.

Pinakamalakas na hangin ni Typhoon Mina: 195 km/h

Ito, mga artikulo galing sa Tagalog na pahayagang Inquirer Libre. *mukha ng saya*

"Sakahan sinira ni Mina
9 patay sa pagsalanta ng bagyo sa Cagayan Valley
Ni TJ Burgonio at Inquirer Northern Luzon
 Aug 29, 2011
DUMANAS ng matinding pinsala ang mga sakahan sa Cagayan Valley bunga ng mala-ipu-ipong hangin at malakas na ulan ng Bagyong “Mina” na humagupit sa dulo ng Hilagang Luzon nitong Sabado, anang mga opisyal.
“Our people are ready. Sadly, it is our crops that aren’t,” ani Batanes Gov. Vicente Gato kaugnay sa pagsira ng bagyo sa mga pananim sa kanyang probinsya.
Pinakamalakas na bagyong tumama sa bansa ang Mina na nagpaguho ng lupa, nagbunsod ng baha, nagpabagsak ng mga pader at nag-iwan ng hindi bababa sa siyam na patay at anim na nawawala, ayon sa mga ulat na natanggap ng Inquirer.
Ang paglikas ng maraming residente mula sa mga peligrosong lugar ay nakatulong para hindi na dumami pa ang bilang ng namatay, sabi ni Benito Ramos, pinuno ng Office of Civil Defense.
Ayon sa mga ulat, 1,420 ektarya ng palay at 596 ektarya ng mais sa Cagayan ang sinalanta ng hangin na may bilis na 170 kph. Umabot sa P10 milyon ang nasirang pananim.
Sinabi ni Mayor Carlito Pentecostes Jr. ng bayan ng Gonzaga na halos kalahati ng taniman nila ng palay at mais ang nawasak. “This is severe considering most of our farmers are expected to harvest their crops starting on the first week of September,” aniya.
Hindi naman bababa sa 2,000 ektarya ng palay at mais ang napinsala sa Isabela, ayon sa mga paunang ulat.
Humina ang Mina kahapon pero binayo muna ang Batanes bago lumabas papuntang Taiwan.

Aug 30, 2011
BABALA NG PAGASA
Malalakas na bagyo padating
Ni Kristine L. Alave at Inquirer Northern Luzon
MATAPOS isara ng Super Typhoon “Mina” ang Agosto na may 15 patay at malawak na pinsala sa hilagang Luzon ay nagbabala naman ang weather bureau na ilan pang bagyo na kasing lakas niyon ang inaasahang tatama sa bansa sa pagpasok ng mga buwang may “ber.”
Sinabi ni Nathaniel Servando, administrador ng Philippine Atmospheric, Geophysical and Astronomical Services Administration (Pagasa), na sumapit na ang panahon kung kailan namumuo ang malalakas na bagyo sa Pasipiko.
Ayon kay Servando, inaasahan ang pagdating ng mababangis na bagyo simula Setyembre hanggang Disyembre.
“Starting September to the last quarter of the year, we expect stronger land-falling typhoons,” ani Servando.
Aniya, sa mga buwan na ito bumababa sa timog bahagi ng mundo ang Intertropical Convergence Zone, ang lugar malapit sa equator kung saan nagsasalubong ang mga hangin mula sa hilaga at timog.
Dito nalilikha ang mga malalakas at mababangis na bagyo, dagdag niya.
Ang Mina ang pinakamalakas na bagyo na tumama sa bansa sa kasalukuyan kaya itinaas ng Pagasa sa Storm Signal No. 4 ang bagyo sa ilang probinsiya. Umabot sa 195 kph ang ihip ng hangin at 230 kph ang bugso ng Mina."

Mga pinagkuhanan ng impormasyon:

- http://newsinfo.inquirer.net/51119/mina%E2%80%99s-rains-still-torment-metro-luzon

-http://www.ndrrmc.gov.ph/attachments/article/280/NDRRMC%20UPDATE%
20re_%20Sitrep%2027%20TY%20_MINA_%20%28NANMADOL%29%2005SEPT2011.pdf 
- Ang pahayagang Inquirer Libre

//Paumanhin, pilit na pilit ang aking Tagalog. *Tawa*

PAMATNUBAY

Itinatag ang blog na ito upang gabayan ang mga dedikadong mamamahayag na nasa ika-3 taon sa mga tungkuling dapat nilang gampanan sa pagpapatuloy ng kanilang paghakbang sa daang pinili nilang tahakin bago punan ang gutom nilang tiyan, ang FIL JOURN...